La laûrs é chilò!!!

Daurida dl Museum dla laûrs Ursus ladinicus a San Ćiascian.

ForscherinAi 30 de messè 2011 dales 10 danmisdé vëgnel daurí l’museum dla laûrs a San Ćiascian.

Al ê ai 23 de setëmber dl 1987 canche Willy Costamoling da Corvara â metū pé por l’prōm iade tl ander sot la piza de Conturines. Te chël momënt ne minâle dessigū nia da fà na scoverta secolara. L’ander ascognô n grōm de osc fossilisà de laûrs di andri, n tier al dé da incō mort fora. Tres chësta scoverta an ciafè engrōm de informaziuns porsura les Dolomites tl tëmp preistorich.

Ti agn dedô él gnū fat tres n team dla Université da Viena sot ala direziun dl professur Gernot Rabeder n grōm de escavaziuns, mosoraziuns y inrescides.

L’resultat de chëstes indrescides ê sensazional. An â scovrí che la laûrs de Conturines ê na sort de laûrs nōia, chël ó dí mai ciamò gnūda descrita. En onù di Ladins ti él gnū dé l‘inom Ursus ladinicus . Inplū éle ince gnū ciavè fora resć de n liun di andri.

L’ander dles Conturines é cun sū 2800 metri de altëza l’post de scoverta de laurs y liuns di andri situé l’plū alalt, porchël ćiafa chisc reperć na importanza particolara por inrescÌ la storia dles Dolomites. Dan ca 40 mile agn, tl tëmp danter na dlaciaziun y l’atra ê les temperatōres tan altes che l’confin dl bosch (che é al dé da incō a ca 1900 metri) rovâ presciapūch fina sō dal ander. Insciō podô les laûrs, che ê vegetares, suravire dōt l’ann te chëstes grotes al estrem. Les laûrs metô al monn sū pici tles grotes y canche ai ê da tan se pascentâ dōta la familia defora, tl tert dl altonn jôi indô ite ti andri y dormî por dōt l’invern.

HōhleTl museum nū vëgnel aprofondÌ les tematiches chilò descrites y prejentades te n contest paleontologich y paleoecologich.

L’museum, che fej pert dl Museum Ladin a San Martin de Tor tol ite trëi alzades, tla prōma ciafun la cassa y na picia botëga. La alzada dessura é dedicada ala storia dla formaziun dles Dolomites, olache al vëgn metū fora i corëć plū bÌ y importanć dl teritore incër San ćiascian. La mostra cunta y mostra plū inant dla formaziun dl ander dles Conturines, sūa scoverta y les escavaziuns. Plū inant vëgnel splighé cun esponać originai dūć i aspeć dl ambiënt y dla vita dla laurs di andri.

Tla alzada sot la entrada pon conscidré „L’ander dla laûrs“, na recostruziun de de plū perts dl ander cun na recostruziun tl detail dla „laûrs di andri“ che dorm.

Museum

Orars de daurida

Isté 2013

  • Pasca - 31 de otober
    Dal mertesc ala sabeda 10 - 17
    Domënia 14 - 18
  • Messè y agost
    Dal lönesc ala sabeda 10 - 18
    Domënia 14 - 18

Invern 2012 - 2013

  • 26 de dezëmber 2012 - 7 de jenà 2013
    vigni dé 15 - 19
  • 10 de jenà 2013 - Pasca 2013
    jöbia, vëndres y sabeda 15 - 19

Sce an cumpra la cherta por vijité l’ Museum Ladin Ursus ladinicus, an l’dërt da podëi jÌ ite debann tl’Museum Ladin Ćiastel de Tor.